الزوجة الثانية ظلم واهانة للزوجة الاولى

الزوجة الثانية ظلم واهانة للزوجة الاولى من هنا وبهذه الكلمات اخاطب الرجال في بلدنا العزيز بشكل عام والنساء بشكل خاص
انا لا انكر ان الله سبحانه وتعالى سمح للرجال بالزواج من اكثر من امراة وهذا واضح في القران الكريم وهنالك اية تنص على ذلك
وليس
الامر كما فسره بعض الناس ان الزواج من امراة ثانية هو فقط لاسباب معينة
مثل وجود عيب ما في المراة الاولى او من اجل الخلفة او لوجود مشاكل بين
الزوجين فمن يقرأ الاية ويقرأ تفسيرها يفهم جيدا ان الزواج من 4 نساء محلل
شرعا وغير مشروط باسباب تبيحه, وما على الرجل فعله هو ان يكون عادل بين
الزوجات اذا اراد فعل ذلك
مع كل هذا انا ارى ان الزواج من امراة ثانية
من غير سبب موجود هو ظلم لها واهانة فما ذنبها ان تعيش مع ضرة فاكثر ما
يجرح المراة هو ان يتزوج زوجها واحدة غيرها وان تقاسمها زوجها امراة اخرى
غيرها, فنسمع احيانا بعض الرجال يقولون انا زوجتي موافقة على ان اتزوج
الثانية وهي سوف تذهب لتخطب لي , انا بقلك لاء انت غلطان هي مش موافقة
وبداخلها شعور لا احد يستطيع الشعور به سواها , فالمراة العربية وبالاخص
المراة في كفر قاسم تعلمت ان تحافظ على بيتها وان لا تعارض زوجها وان تسكت
وتتحمل كل شيء حتى لو كان مش عاجبها , فنراها تقول انا بدي احافظ على داري
واولادي وما بدي اخرب بيتي, هي مش عارفة انو الزواج الثاني الي رايحة
توافق عليه هو خراب البيت , والمراة بتقول اذا بدي اعترض بطلقني ووين اروح
بعدها , شايفين قديش المراة مظلومة ومش ميخذة حقها
بعدين انا قريت مرة
في الموقع انو الرجال بدهم يتزوجوا ميشان ينفقوا البنات هذا مش سبب بسمحلك
تتزوج على مرتك ربنا خلق البنات وهو بيسرلهن انتو ما تقلقوا بالبنات
لما
مرتك مش مقصرة معك وكلشي حاضر وموجود الك بالله عليك لليش بدك تتزوج اخرى
مرة , حرام عليك اولادك ومرتك بحاجة الك , بتسالو بقلك انا راح اعدل بين
الثنيتن انا بقلك ما راح تقدر , النسوان في عندهن اشي اسمو غيرة وهذه
الغيرة بدمر بلاد وانا ما بصدق انو في حدا ممكن يعدل .
نصيحة لكل
الرجال حافظوا على بيوتكم وما تدمروهن وللنساء ما تقبلي بضرة وللثانية ما
تقبلي تبني دارك على خراب دار ثانية لانك راح تندمي في يوم من الايام
بتمنى انو كلامي ما يزعلكم وشكرا

تحياتي ونختم اللهم تقبل منا صيمنا وصلاتنا وقيامنا وخشوعنا
وكل عام وانتم بالف خير .

يسلمو خيتو وبجد ظلم للمراه تقبلي مروري

والله ردك كتير حلو وصحيح كلامك وياريت الناس يفهمو وما يجرحو مشاعر الستات

معك حئ هالة بس لمين تحكي هالكلام في رجال بيعرفو الله وفي ما هممهم شي غير حالهم وبس وهاد الموضع للي ما بيخاف ربو والي شاطر يحكي بس الزلمة محللو 4 هي الي حافظو بالدين وياريتو يكون بصلي ولا بيعرف ربو حتي انعارفة وتحياتي بنت الوادي.

اي اكيد هو الشرع حللو اربعه بس يوفق بينهم مو اتكون عند ست صالحه ويروح يتزوج عليها مهما الرجال دايما هيك ما بحبو الست الطيبه لازم يروحو يدورو على ست غيرها