حظك اليوم وكل يوم

حظك اليوم وكل يوم



معلومة / الأبراج تنقسم إلى : مائية ، هوائية و نارية و منها نحدد مدى حدة مزاجك < معلومة جديدة



ناخذ كل برج لوحده نريد نقرأ الكم الطالع :

الجوزاء:

حظك بيقول بدك تتعرف على بنت حلوة و بدك تتجوزها كرمال انت من الجوزاء و الجوزاء اسمو قريب من كلمة "زواج" ،
و في رواية بيحكي انو كثر من اكل الجوز لأنو بيفيدك كتير و بيعدل مزاجك حاكم أنت مزاجك متقلب كتير ،
و للعلم فأنو حدة المزاج بتأثر ع الصحة منشان هيك بنصحك ما تتعصب ع الطالعه و النازله ،
بيقول المتل اعمل منيح و كبوا بــــ .. اوبس! لا مو هذا المتل المطلوب .. بيقول المتل: طنش تعش تنتعش


الثور:

[size=24]مع احترامي لو بتغير برجك بيكون احسن لك .. بالله هيدا اسم برج الواحد
بينتمي إلو ؟ بتحس حالك كأنو عم تتشرشح بطريق غير مباشر بكل مره ينذكر فيا
اسمو لهالبرج
بقترح اما يتغير اسم البرج او تغير تاريخ الميلاد تبعك، هيك ما بينفع مابدنا نقرأ الحظ بيطلع كله تهزيء ،
بيصير يذكرك في بيك لما و انت صغير و كيف بيشد لك اذنك و بيحكي لك "يا
ثور" < تمتنع شاشات المنتدى عن متابعة الفقرة مراعاة لمشاعر مواليد هذا
البرج ، عذرا ً.



الحمل:

(هودي اكيد بيعانو من مشاكل نفسييه او انون جايين من مزرعة.. شو حمل شو ثور ؟ خلصت الأسامي! )
ياسيدي.. ما احلى من الثور إلا الحمل ,,, هذا برج بيدل على الجبن و الخوف
و الوداعة اذا انت من مواليدو لهالبرج بنصحك ما تعمل و لا تحكي شيء اكبر
منك ،
حظك بيقول انك طفل وديع و شاب طيوب مشكلتك مغلوب ع أمرك و هدا بسبب انك جبان حبتين زياده ،
معك مفترج لما تغير برجك ،، معناها مالك امل تنفرج عقدتك xd لا تتعب حالك خليك ع جبنك ارضى بالواقع الأليم أسلم لك



العذراء:

اذا انت شاب فـ "ياعيب الشوم" ... غير برجك باسرع وقت هدا اسم بناتي ما بيلبق غير ع البنات
اذا انتي بنت فأنتي اكيد بتكرهي الرجال بتوقع شخصيتك مستقلة و مو حابه تعيش قصص حب و غيرو ..
حظك بيقول بدو يجيك خطاب كتار ، و بدك ترفضي مادامتي من مواليد هالبرج ،
اذا حابه تتجوزي ابقي حولي لبرج الجوزاء .. فرصته اكبر للزواج و إلا خليك ع برجك و صيري عانس مابتفرق معنا ابدا .



الأسد:

(مو قايل لكم قاعدين في حديقة حيوانات يوم اختاروا التسميات ما صدقتوني)
حظك بيحكي انو بتواجهك صعوبات و لانك أسد رايح تواجهها و تتغلب عليا ، بيحكي كمان انك كسول و بليد بس إلك هيبة و الكل بيخافك ،
و كمان بيقول انو "وراء كل رجل عظيم امرأه" ، و اذا انتي ست بيكون وراك رجال يمشي ع زناده التيس ،
(هاد الي وراك هو يالي بيوفر لك فرص لتستغلها) ، بيحكي كمان انك شخص استغلالي ، شجاع ، قاسي و بتحب النوم ،
ننصحك بالتمارين الرياضية لانو باين رايح تتخن كتير عم تاكل و تنام و بس
هادا همك .. شوف كرشتك كيف صايره خاف ربك يا زلمه > < !



السرطان:

انت بتخوف ننصح البشرية بالإبتعاد عنك و ياحبذا لو تحجز نفسك بشيء قفص ،
(أنت أذية لخليقة ربي بهالدنيا) .. كل صفات المكر واضحه عليك ...
انت تتمنى علاقات طيبة بس خطورتك كبيرة و عليه حُكم عليك بالبقاء وحيدا ً مدى الحياة .. ياحرام
ننصحك تلقى لك شيء حفرة و تدفن نفسك فيا مامعك سبب محرز يخليك تحب الحياة الا اذا كنت شرس تستمتع و تتلذذ بتعذيب البني آدمين ..
و اخيرا ً انوه الى انو مواليد هذا البرج و برج العقرب عادة بتلاقي صورون ضمن المطلوبين للعدالة




القوس:

حظك بيقول انو فيه شيء حلو بدو يحصل لك بس مطلوب منك تحافظ ع ثباتك و استقامتك ،
القوس ظهروا محدودب بالعادة بدك تتعلم تجلس صح مو حلو تطلع محني يوم تكبر
، بيحكي كمان انو احدب نوتردام هو احد مواليدا هيدا البرج ،
أنت شخص حنون و لكنك ساذج ، لما يميل القوس تكون مرن في خياراتك ،
ننصحك برسم خططك المستقبلية بدقة و التركيز عليها ، لما يصير معك سهم ابقى انطلق بقوة و بالتوفيق ل إلك



العقرب:

أنت اخوه لـ السرطان ، أنت متوحش متلو .. بيلبق تجلسوا مع بعض و تصيروا اصحاب ، لا هو بيأذيك ولا أنت بتأذيه
بيحكي انو انت قاسي لو حدا غلط بحقك بيكون انتقامك عنيف ، أنت ماكر و تميل
للخبث ما لك أمان .. ننصحك تلزم حدودك و تترك هالناس في حالون كفايه تعذيب
..
كمان بيحكي ان أنت شخص منحاز لآرائك و بتحب تجادل ، بنصح الناس ما تتجدال معك لانو يوم تنغلب بتقرص و قرصاتك صعبة و قاسية كتير



الميزان:

أنت متوازن و تقيس الأمور دايما بين سلبي و ايجابي ، تنفع قاضي او مستشار ،
بيحكي انو حيرتك و قياساتك مبالغ فيا بدك تخفف منا ، بنصحك تتعلم تحدد موقفك بسرعة احسن ما يتهموك بأنك بطيء تفكير ..
لما يميل الميزان بتكون سلبي و متشائم و كريه ، بنصحك تترك الناس في حالون
وقتا احسن ما تعمل مشاكل لانو انت لسانك حاد و نبرة صوتك قاسية و بالتوفيق
،
اها صحيح انت شخص رومانس بالعادة اذا كنت غير هيك معناها منك من مواليدو لهاالبرج



الحوت:

أنت دب بدك تعمل ريجيم بأقرب وقت < ريجيم برمضان الله يعينك بس >
مكانك المفضل عالبحرية لما تحس حالك مخنوق ابقى خذ لك تور عالبحرية و سلي
حالك ، أنت هادي و عميق لما تغضب بتكون قاسي و عنيد ، انتقامك شديد ..
تزعل بسرعة و ترضى بسرعة ، بنصحك تتمالك أعصابك لأنو انت بلاء > <
متى ما فلتت اعصابك منك بتصير تمشي و تدمر ، انتبه ع حالك من العقرب و
السرطان .



الدلو:

شوف معك حلين .. اما تنتحر او تعبث بتاريخ ميلادك .. شو دلو يعني !
انت انطوائي و وحداني و بتحب الظلام ، كلامك قليل و ما تظهر من بيتك كتير ، انت فضولي او ملقوف يعني بس تكابر كتير ،
ننصحك تخفف من عزلتك شوي و تطلع لهاالدنيا تشوف الناس كيف عايشه ..
بيحكي انو فيه فرص حلوة بطريقك بس عزلتك و مكابرتك بتحرمك منا ،
نصيحة تغير من وضعك شوي بتتغير امورك للأفضل ، أنتبه من الحشريين .



الجدي:

(لسه ما خلصت الحيوانات .. صار معنا 6 ابراج باسامي كائنات حيه)
متلك متل برج الثور و الحمل بس بتركيز أخف .. انت سريع و فاهم و واعي بس ماحدا فاهمك ،
بنصحك تتكلم وقت الضرورة فقط و تخليك واثق شوي من حالك بيصير تحكي بثبات اكبر ،
بيحكي انو اذا ما لزمت حدودك و انتبهت ع حالك بدك تتبهدل ميه بهدله ، دير بالك ع حالك ..
انتبه ما تقرب من الثور لا يزدك سوء ولا تقرب من العقرب ولا السرطان هيدول مالون امان ، و ادعي بالستر ليل مساء



[/size][/size][/size]

بجد الله يسامحك بنت الوادي الخط كتير صغير

ههههههههههههههههههههه
الله يسامحك بس والله ضحكتيني كتير
شكرا ع الموضوع

ولا يهمك هالة بنغيرو لعيونك ولا شو رايك

هههههههههههههه.
تحياتي الك هالة وللجميع.

تسلمي حبيبتي وتحياتي للجميع وسلام خاص لبنت الوادي ولابو رزان وللسواح هههههههههه

تسلمي حبيبتي انشالله بنكون على تواصل يارب واهداء سبشل ليكي

الله يخليكي يا هالة
ويبارك بيكي
حبيبت البيواحلي تحية واهداء خاص خاص لالك هالة
تحياتي بنت الوادي.